O‘QUVCHI-YOSHLAR MA’NAVIY-AXLOQIY KOMPETENSIYALARINI RIVOJLANTIRISHDA “TARBIYA” FANINI HADISLAR BILAN INTEGRATSIYALASHNING ILMIY-DIDAKTIK MEXANIZMLARI

Аннотация

Mazkur maqolada globallashuv sharoitida o‘quvchi-yoshlarni ma’naviy-axloqiy jihatdan kamol toptirishning dolzarb masalalari kompleks tahlil qilinadi. Xususan, umumta’lim maktablarida “Tarbiya” fanini hadislar bilan integratsiya qilish orqali o‘quvchilarda mas’uliyat, huquqiy ong va huquqiy madaniyat, sog‘lom e’tiqod, ma’rifatlilik, milliy va diniy bag‘rikenglik, fuqaroviy faollik kabi tayanch kompetensiyalarni shakllantirish imkoniyatlari ilmiy-nazariy va amaliy jihatdan asoslab beriladi. Shuningdek, Imom al-Buxoriy va Imom at-Termiziy merosida mujassam bo‘lgan axloqiy hadislarning ta’lim-tarbiya jarayonidagi didaktik hamda tarbiyaviy ahamiyati yoritilib, ularni “Tarbiya” darslari, sinfdan tashqari mashg‘ulotlar va mustaqil o‘qish faoliyatiga tatbiq etish mexanizmlari tahlil qilinadi. Hadislar asosida tashkil etilgan ta’lim jarayoni o‘quvchilarning intellektual faolligini oshirish, mustaqil va tanqidiy fikrlash ko‘nikmalarini rivojlantirish hamda ularning ma’naviy kamolotini ta’minlashga xizmat qiluvchi samarali pedagogik mexanizm sifatida ilmiy asoslanadi. Maqolada hadislarning tarbiyaviy salohiyatidan tizimli va maqsadli foydalanish o‘quvchilarning ijtimoiy moslashuvi, axloqiy barqarorligi va fuqarolik pozitsiyasini mustahkamlashda muhim ahamiyat kasb etishi bilan xulosalanadi.