RAQAMLI TA’LIM SHAROITIDA GENERATIV SUN’IY INTELLEKTGA ASOSLANGAN ADAPTIV PEDAGOGIK MODELNI LOYIHALASH VA METODIK TA’MINOTI

Abstrak

Ushbu tadqiqot raqamli ta’lim sharoitida generativ sun’iy intellekt (GenAI) texnologiyalaridan foydalangan holda adaptiv pedagogik modelni loyihalash va uning metodik ta’minotini ishlab chiqish muammolarini qamrab oladi. Tadqiqotning maqsadi — o‘quvchilarning individual xususiyatlarini hisobga oluvchi, real vaqt rejimida moslashuvchan ta’lim jarayonini tashkil etuvchi integratsiyalangan pedagogik model yaratishdan iborat. Tadqiqotda nazariy tahlil, modellashtirish, tajriba-sinov va taqqoslash metodlari qo‘llangan. Ilmiy yangiligi shundaki, taklif etilgan model generativ AI ning kontent yaratish, bilim kuzatuvi (Knowledge Tracing) va o‘quv traektoriyalarini shakllantirish imkoniyatlarini pedagogik adaptatsiya mexanizmi bilan uyg’unlashtiradi. Tajriba-sinov natijalari modelning o‘quv natijalarini 35-40% oshirish, o‘quvchilarning mustaqil o‘rganish ko‘nikmalarini 57% ga yaxshilash hamda o‘qituvchilarning metodik tayyorgarligini 42% ga ko‘tarish samaradorligini tasdiqladi. Maqola amaliy ahamiyatiga ega bo‘lib, raqamli ta’lim platformalarini rivojlantirish, o‘qituvchilarning AI-kompetentligini oshirish va shaxsiylashtirilgan ta’limni joriy etish uchun metodik asos bo‘la oladi.